Profesori universitar, Dorajet Imeri tha se publikimi i këtij dokumentit dëshmon se Ballkani Perëndimor nuk është në situatë të favorshme për procesin integrues.
Mirëpo, sipas tij publikimi i dokumentit shihet si një mekanizëm për matjen e opinioneve, duke filluar nga politikanët.
“Situata e tanishme e krizës në Ukrainë tregon se Ballkani Perëndimor është në një situatë jo shumë të favorshme për procesin integrues. Më shumë shoh si një mekanizëm me të cilin mund të masin opinionet e politikanëve, njerëzve dhe pastaj eventualisht të veprojnë”, tha Imeri në emisionin “Ditari” në Tëvë1.
Imeri pretendon se Ballkani i Hapur ka për synim mësimin e njerëzve me një treg më të madh.
“Ballkani i Hapur është një iniciativë ku do të mund t’i përafronte palët në aspektin ekonomik, ku njerëzit mund të qarkullojnë lirshëm, ku mallrat, shërbimet e kështu me radhë, pra të jetë tregu i përbashkët. Kjo sepse njerëzit duhet të mësohen me një treg më të madh, një komunikim tjetër, me procese më të mëdha”, shtoi tutje ai.
