Politologu, Dorajet Imeri ka deklaruar se në asnjë vendim nuk thotë që partitë opozitare janë të detyruara që ta votojnë kandidatin e një subjekti që ka dalë e para në zgjedhje.
Sipas Imerit, LVV po të arrinte të siguronte votat për kryetaren e Kuvendit, ajo mund të pengojë pastaj votimin për nënkryetarë.
“Në asnjë vendim dhe askund nuk thotë që opozita është e detyruar që ta votojë kandidatin e një subjekti që ka dalë e para në zgjedhje. Ka të ngjarë se LVV po ta arrinte të siguronte votat për kryetaren e parlamentit ajo mund të pengojë pastaj konstituimin e pjesës tjetër të Kuvendit sepse ajo ka mundësi të mos e votojë nënkryetaren……Unë konsideroj që LVV tashmë e ka bërë të qartë qëndrimin e saj dhe ky qëndrim me gjasë nuk do të lëvizë së paku kështu janë në sfond a po bëjnë mirë a po jo. Partitë opozitare duhen të lëvizin politikisht në këtë mes dhe lëvizja politike ka të bëjë me idenë se nëse ata janë realisht të interesuar ta sulmojnë Kurtin dhe LVV, unë konsideroj që do të ishte më strategjike e votimit Haxhiu për kryetare të Kuvendit dhe në këtë mënyrë do të rrjedhe koha pastaj për mandatarin e parë për të formuar Qeverinë e Kosovës”, ka deklaruar Imeri në emisionin “Ditari” në tëvë1.
Ndryshe, politologu thotë se nëse partitë opozitare vazhdojnë me këto qëndrime, Kuvendi do të dështoi në funksionimin e tij.
“Nëse partitë opozitare kanë vendosur të bëjnë këso qëndrimesh, atëherë fatkeqësisht Kuvendi është larg pritshmërie për të ushtruar funksionin e duhur dhe partitë politike larg për të qenë në nivelin e detyrës, gjithë këto vonime nga zgjedhjet dhe gjithë këto angazhime që na presin institucionet në ditët në vazhdim unë besoj që partitë politike duhet të jenë shumë më të përgjegjshme se sa realisht që janë tash”, ka thënë ai ndër të tjera./teve1.info/
