Politologu, Dorajet Imeri është shprehur se nuk sheh ndonjë vullnet të madh të kryeministrit në detyrë, Albin Kurti, fitues i zgjedhjeve të 28 dhjetorit për të vazhduar me Vjosa Osmanin si presidente.
Ai thotë se Kurti nuk mund t’i garantojë votë Osmanit për presidente.
“Nuk kam parë këmbëngulësi të Kurtit për të vazhduar me znj. Osmani si presidente të vendit, çfarë kryeministri Kurti mund t’i sigurojë presidentes Osmani, minimilaisht nominimin e saj, por nuk mund t;i garantojë votë për të qenë kryetare e Kosovës”, ka thënë Imeri në emisionin “InfoNata” në Tëvë1.
Ai ka thënë se për zgjedhjet e Osmanit presidente me votat e LVV-së dhe komunitetit jo serb, duhet së paku qëndrimi i LDK-së për të siguruar 2/3 në Kuvend.
Megjithatë ai ka thënë se nuk beson që Kurti do ta qojë dëm rezultatin e 28 dhjetorit dhe shkuarja në zgjedhje sipas tij do të ishte dëm i madh për vendin.
Ndërsa, analisti Kenan Gashi thotë se Kurti mund edhe mos ta nominojë Osmanin për presidente.
Ai vlerëson se Kurti do t’ia paraqesë një platformë politike Osmanit për të parë qëndrimin e saj.
“Kurti do ta ofrojë mundësinë e diskutimit me presidenten aktuale. Besoj që Kurti do ta ketë edhe një platformë politike të tij që do ta përqendrojë presidenten që me ditë edhe kërkesat dhe qëndrimet e presidentes karshi qëndrimeve të tij”, ka thënë ai.
