Politologu, Dorajet Imeri në emisionin “Ditari” në Tëvë1 ka deklaruar se në Kosovë mund të ketë edhe një palë zgjedhje të tjera.
Ymeri ka thënë se këtë gjë e kanë hetuar edhe partitë politike dhe prandaj sipas tij bëjnë qëndrime të betonuara për formimin e qeverisë së re.
Ai ka shtuar se kjo nuk tregon vetëdije shumë të lartë politike.
“Derisa të certifikohen rezultatet, derisa të konstituohet kuvendi dhe derisa të votohet qeveria arrijmë në kohën kur do të kemi zgjedhje lokale në të cilat partitë politike do të jenë të angazhuara për një muaj fushatë nëpër shumë komuna me shumë kandidatë për asambleistë, praktikisht sikur e kanë hetuar se kemi ardhur në një stad kur mund të kemi ndoshta edhe një palë zgjedhje të tjera dhe këto mund të jenë bashkarisht me zgjedhjet lokale. Kjo është e keqe, kjo tregon që këta nuk kanë shumë vetëdije të lartë politike dhe tregon që pritshmëritë e tona për ata janë më të larta se që do të duhet”, ka thënë ai./teve1.info/
