Dorajet Imeri, Profesor i Marrëdhënieve Ndërkombëtare ka vlerësuar se insistimi i Lidhjes Demokratike të Kosovës për të marrë postin e kryeministrit në çdo qeveri është për të pamundësuar formimin e qeverisë së re nga Lëvizja Vetëvendosje por edhe nga partitë opozitare nëse vije si opsion.
Imeri ka thënë se LDK në pozitën që është si parti e tretë e dal nga zgjedhjet e 9 shkurtit nuk mund të kushtëzojë me një kërkesë të tillë.
“LDK po mban kaq larg steken e saj sepse e di që kjo gjë është e pamundur. Kjo është për efekt elektoral, është për ta shmangur rezultatin.. LDK duhet të kuptojë qartë se në situatën aktuale çare është nuk mund të kushtëzojë me këtë qëndrim që ka pasur, sidomos ndaj partive opozitare nëse ajo është e interesuar të bëjë këtë. Por unë kam një bindje të plotë se po e bënë këtë qëndrim vetëm për të pamundësuar formimin e qeverisë dhe rrjedhimisht edhe për ta mundësuar formimin e qeverisë nga blloku opozitar nëse do të ndodhte si opsion”, ka thënë Imeri në emisionin “InfoNata”.
Ai ka vlerësuar si shumë të rëndësishme që institucionet e reja të formohen sa më shpejtë dhe të ketë një qeveri stabile.
