I ftuar në emisionin “Ditari” në Tëvë 1, Imeri thotë se marrëveshja për energji në komunat veriore mund të jetë indikator i një vizite të tillë.
Madje, ai shton se arsye tjetër e vizitës së Lajçakut është që të shikojë qëndrimin e palëve tjera si partitë opozitare e grupet e interesit, në këtë proces.
“Mund të jenë të gjitha bashkë Kosova dhe Serbia përmes marrëveshjes për energji në veri dhanë indikacione se mund të vazhdojnë më tutje bisedimet, prandaj e kemi konsideruar se një marrëveshje qoftë për targat ose kjo për energjinë do të jenë tregues se si do të rrjedhin gjërat. Natyrshëm se një situatë e re tregon se Kosova dhe Serbia mund të vazhdojnë më tej dhe e shohin si mundësi Bashkësia Evropiane, më saktë Lajçak që me gjasë ka ardhë për të parë realisht qëndrimin që kanë palët e përfshira në këtë proces dhe në Kososovë po ashtu në Serbi nuk janë vendimarrësit qeveritë por edhe partitë opozitare, grupet tjera të interesit, etj”, tha ai.
Sipas tij, gjatë vizitave sllovaku do të shoh se si mund të zbatohet marrëveshja për të cilën janë zotuar dy palët në Bruksel.
“Pra në këtë mënyrë ai do të sheh se si realisht do të mund të implementojnë dhe a do të mund të implementojë një marrëveshje që sapo u arrit. Konsideroj se kjo është në këtë linjë për të parë ku janë gjërat në terren dhe për të treguar që BE kërkon të miratohet ajo çfarë palët janë zotuar”, shtoi ai./teve1.info/
