Analisti, Dorajet Imeri, thotë se ende nuk është e sigurtë që Kosova të regjistrohet në agjendën e Këshillit të Evropës.
Imeri shprehet skeptik, pasi sipas tij, për shkak të politikave të mëdha të Këshillit të Evropës anëtarësimi i Kosovës mund të shtyhet për një afat tjetër.
“Kosova është duke frymuar e duke u pranuar si shtet në një mekanizëm që janë më shumë se 30 shtete. Prandaj, në këtë strukturë ky është efekti i saj, sesa diçka tjetër. Në asnjë rrethanë nuk mund të themi se Kosova e ka majin si të vetmin kusht. Megjithëse me gjithë gatishmërinë e Kosovës për t’u futur në agjendë ka gjasa që pikërisht Këshilli i Evropës për shkak të politikave të mëdha mund të na shtyjë për një afat tjetër”, deklaroi ai në emisionin “Ditari” në Tëvë1.
Analisti, shpreson që afati i majit mos të shkojë huq për Kosovën.
“Uroj që Kosova për shkak të një pune të jashtëzakonshme që ka bërë deputetët dhe gjithë diplomacia përgjithësisht t’i arrijë këto objektiva, sepse është një investim disa vjeçar”, tha ai./teve1.info/
