Imamit nga Peja, Eroll Rexhepit, i është djegur vetura që e kishte të parkuar para shtëpisë në orët e hershme të mëngjesit.
Për rastin ka njoftuar vet Rexhepi, teksa ka publikuar edhe xhirime të kamerave të këtij rasti.
“Sot rreth ores 03:07am, para shtëpis sime në lagjen Kapeshnicë, rruga Rozafa në Pejë, një person gjysëm i maskuar ja vënë flakën me lëndë djegëse makinës sime duke e djegur në tërësi dhe duke shkaktuar dëmë të tjera…”, ka shkruar Rexhepi.
Rexhepi ka njoftuar se zjarrfikësit dhe policia kanë arritur me kohë në vendin e ngjarjes dhe se nga ky rast nuk ka të lënduar apo dëme në shtëpitë përreth.
E ky rast është duke u hetuar nga autoritetet.
“Me datë 08.03.2023, rreth orës 03:45, Policia është informuar se në Rrugen ” Rozafes” në Pejë, një veturë është përfshirë nga zjarri. Policia menjëherë ka dalë ne vendngjarje, gjithashtu edhe njesiti i zjarrëfiksëve të cilët kanë arritur ta shuajnë zjarrin. Rasti është duke u hetuar nga Policia, dhe është cilësuar si “Zjarrvënie””, ka thënë për teve1.info Driton Rugova, zëdhënës i policisë për rajonin e Pejës.
