Ilir Ferati, do ta synojë edhe njëherë postin e kryetarit të Istogut, që e mban aktualisht.
Kjo u bë e ditur nga vet ai përmes një shkrimi në Facebook.Ferati tha se Istogu do të vazhdojë të zhvillohet.
Postimi i plotë:
Të dashur qytetarë të Istogut,
Struktura e aktivistë të Degës sonë,
Me nderin më të madh, sot pranova rikandidimin për Kryetar Komune nga Dega e LDK-së në Istog, nga dega me sukseset më të mëdha në nivel Republike.
Zotimi ynë është puna jonë, betimi ynë është shërbimi për Ju!
Planin për Istogun e të gjithëve do ta vazhdojmë bashkë në konventën e programit të ri – krahas projekteve tona të ndërtuara mbi vizionin tuaj.
Lista jonë kandiduese do të jetë zëri juaj – prej nga do të përfaqësohen vlerat dhe idetë tuaja.
Dyert tona janë të hapura, LDK-ja është shtëpia jonë e përbashkët – trashëgimia jonë e përbashkët – besatimi shumëvjeçar i Istogut.
Istogu ynë do të vazhdojë të zhvillohet!
I juaji,
Iliri.
