Kandidati i Lidhjes Demokratike të Kosovës (LDK) për kryetar të Komunës së Istogut, Ilir Ferati, ka zhvilluar sot një takim me gratë dhe vajzat e komunës.
Në këtë takim, Ferati ka theksuar se kontributi dhe përkushtimi i grave të Istogut janë një nga shtyllat kryesore të zhvillimit të komunës dhe të vizionit të tij politik.
“Frymëzimi ynë më i madh janë nënat, gratë dhe vajzat e Istogut. Mbështetja që mora sot nga to është një motiv i fuqishëm për të vazhduar rrugëtimin tonë të përbashkët për një Istog edhe më të zhvilluar”, ka deklaruar Ferati.
Ai falënderoi Forumin e Gruas në Gurrakoc për organizimin dhe përkrahjen e vazhdueshme, duke theksuar se LDK mbetet e përkushtuar për të forcuar rolin e grave në çdo fushë të jetës shoqërore dhe politike.
“Kur gratë janë të bashkuara, bashkohet edhe Istogu. Ky rrugëtim është i yni, për një të ardhme më të mirë për të gjithë qytetarët tanë,” u shpreh ai.
