Policia e Kosovës ka njoftuar se në fshatin Novosellë të Kamenicës, gjatë një kontrolli rutinë, një njësi policore ka ndaluar një automjet me targa të huaja.
Automjeti drejtohej nga një i dyshuar mashkull kosovar, ndërsa pasagjer ishte një shtetas i huaj.
Sipas raportit policor, dyshohet se të dy personat kanë hyrë në mënyrë ilegale nga territori i Serbisë në territorin e Kosovës, duke përdorur një rrugë jashtë vendkalimeve zyrtare kufitare.
Me urdhër të prokurorit, është iniciuar rasti si “Kalim i paautorizuar i kufirit”, ndërsa të dyshuarit janë liruar në procedurë të rregullt, derisa rasti vazhdon të hetohet më tej.
“Njësiti policor gjatë kontrollit ka ndaluar automjetin me targa të huaja të cilin kishte qenë duke e drejtuar i dyshuari mashkull kosovar, dhe pasagjeri i dyshuar mashkull shtetas i huaj. Të dyshuarit në mënyrë ilegale përmes rrugës jashtë vendkalimit kufitar dyshohet se nga territori i Serbisë kanë hyrë në territorin e Kosovës. Në konsultim me prokurorin është inicuar lënda e rastit, të dyshuarit janë liruar në procedurë të rregullt”, thuhet në raportin e Policisë së Kosovës.
