Në Kosovë ka nisur për herë të parë të jepet vaksina kundër kancerit të qafës së mitrës, saktësisht vaksina kundër Human Papilloma Virusit.
Instituti Kombëtar i Shëndetit Publik (IKShPK), sot ka treguar disa nga arsyet pse duhet të merret kjo vaksinë nga vajzat, ku mes tjerash theksohet është e sigurt dhe mund të parandalojë mbi 90% të kancereve të shkaktuara nga HPV.
“Çdo vit, mbi 30 000 gra vdesin nga kanceri i qafës së mitrës brenda Rajonit Evropian të OBSh-së.Kanceri i qafës së mitrës është i parandalueshëm. Vaksina HPV mund të parandalojë mbi 90% të kancereve të shkaktuara nga Human Papilloma Virusi”, thuhet në njoftim.