Instituti Kombëtar i Shëndetësisë Publike të Kosovës i ka dhuruar Shërbimit Spitalor Klinik Universitar të Kosovës pesë pajisje moderne për diagnostikimin e hershëm dhe të saktë të sepsës.
Siç thuhet, pajisjet e dhuruara do të shërbejnë për të forcuar aftësinë e identifikimit në kohë të infeksioneve në gjak, me përfitime të drejtpërdrejta për një numër të gjerë pacientësh , veçanërisht ata të hospitalizuar në Kujdesin Intensiv dhe Klinikën Infektive.
“Shprehim mirënjohje të veçantë për SHSKUK për përkushtimin e vazhdueshëm ndaj inovacionit dhe përkujdesjes ndaj pacientëve. Ky bashkëpunim përfaqëson një shembull domethënës të fuqisë së veprimit të përbashkët ndërinstitucional, për përmirësimin e shëndetit publik”, thuhet në njoftimin e IKSHP-së./teve1.info/
