Kryetari i komunës së Vushtrrisë, Ferit Idrizi ka thënë se në të gjitha shkollat e këtij qyteti kanë rekrutuar nga një psikologe.
Ai në emisionin “InfoNata” në Tëvë 1 tha se janë të interesuar për të shtuar numrin e tyre.
“Në shkollat e qytetit i kemi rekrutu psikologët, të gjitha janë psikologe, të përgatitura, disa prej tyre kanë bërë master në Universitetet me prestigjioze të botës…Kemi rekrutu edhe psikologe në Drejtorinë e Arsimit pasi që plani i punës lidhet nga drejtoria në shkolla…Kjo është një risi, sepse nuk kemi pasur psikolog më herët dhe për këtë duhet më ditë fushëveprimin e tyre se çka kanë me punu, por janë duke punuar jashtëzakonisht mirë”, tha ai/
Tutje, ai ka thënë se janë duke menduar që të bëjnë rekrutimin e psikologëve edhe në fshatra, mirëpo siç tha ai migrimi ka ndikuar që në shumë shkolla të këtë numër të vogël të nxënësve.
“Për fat të keq kemi pasur migrim të madhe edhe shumë shkolla të fshatrave kanë mbetur me numër të vogël të nxënësve. Unë i quaj rrethi i parë i fshatrave, ato që janë afër qytetit dhe rrethi i dytë që janë më larg…por, tashmë jemi të interesuar që për një periudhë të shkurtë kohore t’i rekrutojmë psikologët edhe për këtë rrethin e dytë të shkollave, nëse nuk kemi për secilën, do të bëjmë një psikolog për dy shkolla në mënyrë që më e mbulu”.
Idrizi po ashtu shtoi se tashmë disa shkolla janë vetëmbyll dhe një pjese tjetër rrezikojnë të mbyllen./teve1.info
