Kandidati për kryetar të Vushtrris nga PDK-ja, Ferit Idrizi, ka prezantuar projektin e ndërtimit të Stacionit modern të Autobusëve në këtë qytet.
Idrizi ka theksuar se ky projekt është pjesë e zotimit të tij në programin qeverisës për mandatin e dytë dhe se realizimi i tij do të nisë pas 12 tetorit.
“Sot, me shumë kënaqësi, po e bëjmë publik këtë projekt madhor, që do të jetë një prej shumë punëve të mëdha të mandatit tonë të dytë,” ka deklaruar Idrizi, duke theksuar se stacioni do të shërbejë për lehtësimin e lëvizjes dhe zhvillimin urban të qytetit.
