Reprezentuesi i Kombëtares së Kosovës, Blendi Idrizi nuk do të jetë më pjesë e skuadrës së Schalkes.
Idrizi ka bërë të ditur largimin nga Schalke këtë verë kur edhe i përfundon kontrata me ekipin gjerman.
26-vjeçari ka qenë pjesë e Schalkes prej janarit të vitit 2020 kur u bashkua me ekipin e dytë, ndërsa prej verës së vitit 2021 ka qenë pjesë e ekipit të parë.
Përgjatë edicionit 2022/23, Idrizi ishte I huazuar te Jahn Regensburg, përpara se verën e shkuar të rikthehet te Schalke.
Këtë edicion, Idrizi ka shënuar 1 gol dhe ka bërë 2 asistime në 16 paraqitje në Bundesligën 2 me Schalken, ekip që përfundoi në pozitën e dhjetë në tabelë.
Ai në qershor të vitit 2021 debutoi me Kosovën, ndërsa deri më tani ka 6 paraqitje për “Dardanët”.
