Ibrahimi ka thënë se mjetet që i ka ndaluar Ministria e Financave janë mjete financiare të komunave.
Sipas tij, ministri Murati është duke i ndaluar pagat në mënyrë të padrejtë sepse këto mejte janë të komunave.
“Edhe sot nuk janë ekzekutuar pagat. Kemi marrë informata se pagat nuk janë ekzekutuar. Këto mjete financiare janë të komunave. Komunat i kanë planifikuar vitin e kaluar për paga. Në mënyrë të padrejtë është duke i ndalur ministri Murati sepse këto mjete financiare janë të komunave. Nëse komunat dëshirojnë të penalizojnë dikë me paga ato munden”, ka deklaruar Ibrahimi në emisionin “Ditari” në Tëvë1.
Ai thotë se Qeveria që disa herë po tenton që t’i shtrijë duart në nivelin lokal.
“Që disa herë kjo qeveri tenton t’i shtrijë duart në nivelin lokal në kompetencat e nivelit lokal…Niveli qendror po bën veprime që po shkelin autonominë lokale”, theksoi Ibrahimi. /teve1.info/
