Drejtori i Asociacionit të Komunave të Kosovës, Sazan Ibrahimi e ka vlerësuar joligjore faktin që disa komuna i kanë dhënë dritën jeshile propozimit të Qeverisë që të falen nga 100 euro të vlerës së tatimit në pronë.
“Çka do të ndodhë në të ardhmen është diçka tjetër, por iniciativat që u ndërmorën nga komunat nuk janë në kornizë ligjore. Çdo vendim që merret në kuvende komunale dërgohen në nivel qendror për shqyrtim të ligjshmërisë dhe kjo do të bie ndesh me legjislacionin ekzistues, pra komunave nuk u lejohet falja e tatimit në pronë”, ka thënë Ibrahimi.
Sipas tij, ka pasur edhe në ta kaluarën raste kur ministri nuk e ka dëgjuar Zyrën Ligjore, kur ka qenë fjala te komunat.
“I njëjti veprim ishte edhe gjatë fundvitit të kaluar kur ministri dëshironte ta ndryshonte ligjin për Buxhet dhe aty e futi një klauzolë që t’ja marrë komunave të hyrat vetananke të pashpenzuara. Edhe atrëherë Kuvendi tha që jo, që nuk mundet me u marrë ai veprim por edhe në këtë rast Zyra Ligjore tha se një propozim i tillë nuk është në legjislacionin në fuqi, pra nuk është në kuadër të kornizës ligjore të Kosovës dhe i ra që ministria kundërshtoi ministrin”, tha Ibrahimi.
Ibrahimi ka shtuar te Ditari në Tëvë 1 se kërkesa e AKK-së mbetet që të kthehet vlerësimi i mëparshëm për tatimin në pronë.
“Kemi kërkuar kthimin e gjendjes së mëparshme dhe me çdo kusht kërkojmë që faturat të mos të ngritjen, pra të kthehet në gjendjen e mëparshme. Ne kemi kërkuar pezullimin e vendimit të ministrit për rivlerësimin e pronave. Ka ndodh kjo edhe përpara që janë pezulluar vendimet për shkaqe të ndryshme. Tash e kemi situatën ekonomiko-sociale, normën e inflacionit. Ne ia kemi dërguar ministrit dhe kryeministrit kërkesën”, ka shtuar ai.
