Njohësi i sigurisë, Nuredin Ibishi ka thënë se veprimi i policisë në veri të Kosovës është kryer në mënyrë të ligjshëm.
Ai në emisionin “Info Nata” në Tëvë 1 ka deklaruar se nuk ka pasur dhunë policore dhe gjithë organizimi i policisë ishte i jashtëzakonshëm.
“Në fushën e sigurisë, Policia e Kosovës ka kryer punën në mënyrë të ligjshme. Ka të bëjë me asistencën në ardhjen e kryetarëve në vendin e punës, pra të tre kryetarëve, pasi kryetari i Mitrovicës së Veriut është betuar ditë më parë. Tre kryetaret më gjithë atë kundërshtimin e grupeve të caktuara të cilët u vendosën në hyrje duke barikaduar hyrjen dhe mbyllur, ata hynë brenda. Nuk ka pasur dhunë policore. Isha shumë kuriozenë gjithë kronologjinë dhe veprimi policore ishte organizim jashtëzakonisht i mirë, duke krijuar sistemin e sigurisë”, ka thënë ai.
Ibishi ka deklaruar se situate në veri është e dirigjuar nga Beogradi dhe urdhrat që marrin nga presidenti serb.
“E gjithë kjo situatë është e orkestruar nga presidenti i një vendi fqinjë(Serbia), i transmetuar përmes ekstremistëve të tij. E gjithë kjo tregon se situate mund të jetë e qetë kur të do Vuçiqi dhe kur ai të jep urdhra që të jetë e tillë. Dhe në rastin tjetër, ajo tensionohet kur ai jep urdhra që të jetë e tillë, siç është rasti sot. Pra e gjithë kjo situatë lidhet me urdhrat që marrin nga Serbia”, ka thënë ai./teve1.info/
