Ibishi në emisionin “Ditari” në Tëvë 1 vlerësoi se shumica e këtyre sulmeve po ndodhin në komunat e vogla, për shkak se zyrtarët policorë dhe të dyshuarit paraprakisht kanë probleme private mes tyre.
“Moti kam thënë që fatkeqësia jonë është se zyrtarët policorë i kemi të një vendi të vogël. Kam qenë kundër që policët të jenë nga ai lokalitet dhe kjo zakonisht po ndodh sidomos në provincat e vogla. Shpesh ndodhë ajo për shkak të aspekteve private që njihen mes vete… Kur është nga ai lokalitet ka edhe diçka në prapravijë të asaj ndoshta një lidhje paraprake”, thotë ai.
Sipas tij, në mënyrë që të evitohen këso sulmesh por edhe shkeljes tjera gjatë punës së tyre, zyrtarët policorë duhet të punësohen në ndonjë komunë tjetër, e jo aty ku jetojnë.
“Ndoshta jo shumë larg nga ajo komunë e vet, se kanë harxhime kuptohet. Por e papranueshme është të jenë nga aty për shkak se vet mentaliteti jonë nganjëherë provincial apo patriarkal po e tejkalon masën përkundër se kemi një strukturtë të edukuar të zyrtarëve policorë gjithsesi”, shtoi ai./teve1.info/
