Njohësi i çështjeve të sigurisë Nuredin Ibishi ,ka thënë se njësitet elitare të Policisë së Kosovës janë krenari për të gjithë.
Ai ka thënë se vetëm me njësit të tilla mund të reagohet ndaj kërcënimeve siç ishte ai në Banjskë.
Ibishi në emisionin “Këndi i Debatit” ka thënë se 24 shtatori i ka dhënë leksion terroristëve të Serbisë duke i dhënë mësim se Kosova është e sigurt me kapacitete.
Ai ka thënë se përformanca e policisë po tregohet edhe në arrestimet e fundit për rastin e vrasjes së rreshterit Muhamed Lika.
“Performanca e Policisë së Kosovës po tregon edhe në rastin e fundit të zbulimit të në rastin të vrasjes së rreshterit, e ka rrumbullakësuar më një grup që realisht na krijon edhe ne shqetësim kur ka të bëjë me çështjet e organizimit të tij po vrasjes së një zyrtari policor”, ka thënë ai.
