Njohësi i fushës së sigurisë, Nuredin Ibishi duke komentuar vendimin e sotëm për lirimin e tre policëve të rrëmbyer nga Serbia, tha se i ndikimi më i madh për lirimin e tyre ka qenë i Shteteve të Bashkuara të Amerikës.
Ibishi në emisionin “Ditari” në Tëvë1, tha se rasti i rrëmbimit të tre policëve kufitarë do të jetë një proces i cili do të hetohet nga Inspektorati Policor dhe organet përgjegjëse.
“Do të jetë një proces që do të hetohet nga Inspektorati policor dhe organeve përgjegjëse, Prokurorisë edhe pse deri tash nuk u dëgjua shumë zëri i prokurorit se a është bërë shikimi në vendin e ngjarjes, çfarë kanë qenë rezultatet, më shumë kanë qenë deklarata politike për të cilat kam qenë shumë kritik, më tepër deklarata politike”, tha ai.
Teksa theksoi se mungesa e vullnetit politik e ka sjellë Policinë e Kosovës në situatën ku kanë mungesë të statusit, tretmanit të nevojshëm dhe benefiteve.
“Unë mendoj se mungesa e vullnetit politik e ka pru Policinë deri në këtë situatë që nuk i kanë edhe statusin edhe tretmanin edhe benefitet, po njëkohësisht edhe këtë çështje unë në një formë i’u kisha thirrur më tepër rolit të Inspektoratit Policor edhe normal Prokurorisë, apo prokurorit të rastit i cili duhet ta trajtojë deri në detaje çështjen pra rreth këtij rasti “, shtoi ai. /teve1.info./
