Por eksperti i sigurisë, Nuredin Ibishi në Tëvë1 tha se kjo deklaratë e ministrit është e ngutshme.
“Deklarata e ministrit të Mbrojtjes ishte e ngutshme, mos të ngutemi me këso deklarata sepse prej 3 mijë në 20 mijë është shifër shumë e lartë dhe ndoshta më mirë është të shkohet me atë variantin që është paralajmëruar nga vet Qeveria për një sistem të edukimit me kurrikula, pra edhe në nivelin e lartë të arsimit për paraushtarak ku të gjithë të rinjtë e Kosovës të edukohen për vet mbrojtje normal edhe mënyra vullnetare e obligimit ushtarak sesa të flasim për shifra enorme”, tha ai.
Sipas ekspertit të mbrojtjes nuk duhet të ngutemi në këtë çështje sepse, siç tha ai, FSK-ja është e mbikëqyrur në çështje të përshpejtimit të zhvillimit të transformimit dhe integrimit në NATO.
Sipas tij, qëllim prioritar i FSK-së duhet të jetë futja nën ombrellën e mbrojtjes së përbashkët.
“Duhet të jetë pritotitet trajnimi i kuadrove tonë sepse ne nuk kemi pretendime të pushtimit të një shteti por kemi elemente defanzive të mbrojtjes të i dërgojmë kuadrot për trajnim. Ajo merr kohë sepse nuk bëhet për momentin sesa të premtojmë në aspektin e burimeve njerëzore që do të bëjme ushtarë por pa armë “, shtoi ai.
