Ibishi në Tëvë1 theksoi se marrëveshjet e nënshkruara mes shtetit serb dhe Kosovës duhet të implementohen, por sipas tij, gjithmonë duke u koordinuar me faktorin ndërkombëtar.
“Vetëm duhet të implementohen dhe të zbatohen këto marrëveshje që janë të nënshkruara dhe ne nuk kemi kohë të presim në pakufi. Mendoj që kjo çka Qeveria e Kosovës po ndërmerr është punë e nevojshme dhe vetëm duhet që të planifikohet mirëfilli edhe niveli politik dhe niveli operacional që të zbatohen në përpikëri. Por normal edhe bashkëpunimi me faktorin ndërkombëtar në rend të parë partnerët tanë strategjikë, që të mos bie që në momentin e fundit të ndërpritet një aksion çfarë u fillua sikur mbrëmë“, tha Ibishi në emisionin “Ditari”/teve1.info./
