I ftuar në emisionin “Këndi i Debatit” në tëvë1, Nuredin Ibishi ka folur për operacionin e fundit policor si dhe për krijimin e reformave të mirëfillta.
“Është dashur që moti të bëhet një prerje, duhet të bëhen reforma të mirëfillta, aspekti edhe i vendimit gjyqësor”, tha Ibishi.
Sipas tij, ndonjëherë edhe vendimet gjyqësore e ngatërrojnë punën, pasi që kur ushtrohen ankesa, procedurat zgjatin.
“Nganjëherë edhe vendimi gjyqësor e ngatërron punën, pasi që shpesh ndodh që vendimi për masat e sigurisë kur ajo e ushtron ankesën, ajo procedurë zgjatë, mirëpo ai vazhdon ende të ushtrojë detyrën në atë post që nuk duhet ta ketë pa vendim të sigurisë për nivelin e caktuar të menaxhmentit” tha tutje ai.
Ai po ashtu tha se mandati shtesë në ligjin e dytë është i qëlluar, dhe kohëve të fundit shihet se po zbatohet.
“Nga praktikat e deri tashme të IPK-së që kanë reflektuar pasi që në krahasim me ligjin e parë që ka qenë atëherë, ka pasur një mandat krejt tjetër, ndërsa në ligjin e dytë merr mandat shtesë për ndjekje penale ndaj zyrtarëve policorë, mendoj që është e qëlluar dhe se po zbatohet tashmë siç po shihet në kohët e fundit me kapacitete të plota, edhe pse ajo nuk është zbatuar më herët fatkeqësisht”, u shpreh ai.
