Kanali i Ibër Lepencit, i cili furnizon industrinë, ujësjellësit dhe bujqësinë me ujë të papërpunuar ndër vite mori jetë njerëzish, e prej tyre edhe fëmijë.
Por, Nazif Raçi nga fshati Mazgit i Epërm në Obiliq shprehet i shqetësuar për fëmijët që banojnë afër këtij kanali.
“Është e vërtetë që sa t’mira që ka ky kanal aq edhe të këqija ka. Por po duhet kujdes sidomos fëmijët e vegjël nuk dinë po hidhen dhe janë mbytur më herët disa”, tha Raçi.
Hallin e njëjtë e ka edhe kryetarja e këtij fshati.
“Hallet më të mëdha është që tani e vërejta që Iber Lepenci është full i mbushur me ujë që dmth nuk e ka një siguri për fëmijët e kësaj lagje që nga këtu është vetëm 100 metra e për ata banorë që jetojnë aty nuk ka as rrethojë as asgjë”, tha kryetarja Xhemile Kransiqi.
Por, kryeshefi i kësaj ndërmarrje, Faruk Mujka thotë se nuk kanë pasur ndonjë kërkesë për rrethimin e kanalit.
Madje sipas tij, një gjë e tillë është e vështirë të ndodhë, pasi kjo do e defunksionalizonte veprimtarinë e Ibër Lepencit.
“Normal që ne e kuptojmë shqetësimin e banorëve dhe të gjithë atyre që jetojnë afër kanalit mirëpo të gjithë duhet ta dinë se kanali është ndërtuar në vitet e 70ta dhe relievi ka qenë krejt i kundërt nga ajo sot dhe gjatë viteve është populluar sipërfaqja apo relievi afër kanalit në shumë raste pa leje dhe në kundërshtim me planet urbanistike e besa në shumë vende edhe në pronën e Iber Lepencit”, tha Muja.
Vitin e kaluar në këtë kanal është gjetur i vdekur një 4 vjeçar.
