Një person është arrestuar nga Policia e Kosovës, pasi që i njëjti dyshohet se ka hapur një llogari në rrjete sociale, ku aty i ka publikuar fotot e ish-të dashurës me përmbajtje erotike.
Policia thotë se këto foto viktima ia kishte dërguar të dyshuarit derisa kanë qenë në lidhje dashurie.
Ndërkohë, viktima ka raportuar te policia se nga i dyshuari është ngacmuar edhe në forma të ndryshme.
Në raportin 24-orësh thuhet se ngjarja ka ndodhur në Gjakovë më datë 15 të muajit qershor, derisa në Policinë e Kosovës rasti është cilësuar “Ngacmim”.
Njoftimi i Policisë së Kosovës:
NGACMIM/Gjakovë 15.06.2023 – 18:00. Me datën 17.06.2023 është arrestuar i dyshuari mashkull kosovar për shkak se e kishte ngacmuar në forma të ndryshme viktimën femër kosovare dhe në emër të saj në rrjetin social kishte hapë llogari ku kishte shpërnda foto të viktimës me përmbajtje erotike të cilat foto viktima më parë ja kishte dërguar të dyshuarit derisa kishin qenë në lidhje dashurie. Me vendim të prokurorit i dyshuari është dërguar në mbajtje./teve1.info/
