Gjyqi i hapur në Argjentinë kundër stafit mjekësor që e ndoqi Diego Armando Maradonën, në javët e fundit të jetës së tij, po shton dyshimet se ata nuk e kanë ndihmuar atë siç do të ishte e nevojshme.
Për këtë arsye stafi mjekësor rrezikon një dënim nga 8 deri në 24 vjet. Ajo që del në pah është historia e një njeriu “të torturuar” fizikisht dhe mendërisht nga mjekime të gabuara, i cili në ato ditë vetëm ëndërronte për një ekzistencë normale.
Gjyqi për vdekjen e Maradonës u hap me të njëjtat ndjesi si ditët pas vdekjes së futbollistit më të madh të të gjitha kohërave. Dhe do të jetë një sprovë e dhimbshme për ata që e donin atë siç ishin ditët e fundit të jetës së Diegos së madhe.
Njëzet ditët e fundit të jetës së Maradonës, nga ditëlindja e tij deri në vdekjen e tij, tregojnë historinë e trishtë dhe dramatike të ish-“Pibe de Oro”. Ai vdiq më 25 nëntor 2020, pas gati një dite agonie, i braktisur, i trajtuar keq, i mbushur me ilaçe psikotrope, i rraskapitur nga një gjendje shëndetësore që u përkeqësua me kalimin e kohës edhe për shkak të dhimbjeve shumë të rënda në zemër.
“I shpërtheu zemra që ishte zmadhuar deri në atë pikë sa peshonte dy herë më shumë se normalja me funksionalitet të reduktuar në 38%…”. Këto fjalë të thëna nga ish-avokati i tij, Matias Morla, do të mjaftonin për të shpjeguar gjendjen në të cilën ndodhej ish-futbollisti argjentinas, i njohur si “Dora e Zotit”.
Realiteti që u shfaq në gjyq nxit zemërimin dhe keqardhje sepse Maradona mund të ishte shpëtuar. Pavarësisht se trupi i tij vuante nga një jetë e abuzimit të tepruar dhe nga përdorimi i medikamenteve po aq të rënda, ai do të kishte një shans më të mirë për të mbijetuar nëse do të ishte shtruar në një qendër shëndetësore me shumë qëllime, e cila do t’i garantonte një regjim kujdesi të përshtatshëm për nevojat e tij.
