Kryetari i Komunës së Podujevës, Shpejtim Bulliqi ka folur lidhur me të kaluarën e dy të rinjve që sulmuan 18-vjeçarin i cili edhe vdiq si pasojë e plagëve të marra.
Bulliqi ka treguar se i riu që ka goditur me veturë dhe shkop viktimën L.F ka nëntë vepra penale në polici. Kurse i riu tjetër që ka marr pjesë në këtë ngjarje nuk ka ndonjë rast në organe të drejtësisë.
“Njeri nga ta, është me nëntë vepra penale, i njëjti që e ka goditur viktimën me makine dhe pastaj me shkop. I dyti që është bashkëpjesëmarrës, nuk ka ndonjë rast apo vepër për organet e rendit”, ka thënë Bulliqi.
Gjithashtu ai ka njoftuar se njëri nga të rinjtë ka braktisur shkollën.
“Njëri nga individët ka qenë nxënës i shkollës, ndërsa tjetri e ka braktisë shkollën, për shkak të problemeve që i bërë brenda oborrit të objektit të shkollës”, shton Bulliqi.
Ndërkaq lidhur me raportin e policisë që ka dal të jetë ndryshe prej pamjeve të publikuara nga vendi i ngjarjes, Bulliqi ka refuzuar të flas me arsyetimin se nuk jep deklarata për siguri.
Këto deklarata ai i bëri në një konferencë për shtyp, pas një mbledhje të jashtëzakonshme ku u diskutua gjendja e sigurisë së kësaj komune. /teve1.info/
