Është arrestuar i dyshuari që kishte qenë bashkë me të miturën, e cila u raportua e rrëmbyer nga familjarët e saj.
Policia në raportin ditor ka bërë të ditur se i dyshuari pas konsultimit me prokurorin është liruar në procedurë të rregullt, ndërkohë që viktima pas intervistimit është kthyer në familjen e saj.
Policia thotë se rasti është duke u hetuar.
Rasti ka ndodhur në Drenas, ku familjarët e të miturës e raportuan të rrëmbyer, pasi që në kamera është parë duke hyrë në një veturë të një personi të panjohur.
“Gllogovc 04.08.2025-16:00. Me 05.08.22025 lidhur me rastin është arrestuar i dyshuari mashkull kosovar, i cili ishte bashkë me viktimën femër kosovare-e mitur. Në konsultim me prokurorin, i dyshuari pas intervistimit është liruar në procedurë të rregullt, ndërsa viktima pas intervistimit është kthyer në familjen e vet. Rasti duke u hetuar”, thuhet në njoftim./teve1.info/
