Ai është plagosur në një lokal në Prishtinë. Sipas Policisë së Kosovës siç ka thënë i lënduari ngjarjes i ka parapri një konflikt verbal me disa persona të tjerë.
“Ankuesi Shqiptar shtetas i Maqedonisë së Veriut ka njoftuar se derisa ishte duke qëndruar në një lokal me disa shokë të tij kanë pasur një konflikt verbal me disa persona. Pas konfliktit verbal personat e dyshuar u kanë drejtuar armët me ç’rast e kanë qëlluar viktimën në këmbë”, njofton Policia.
Policia thotë se ka sekuestruar një veturë e cila dyshohet se u përket të dyshuarve të cilët janë në kërkim.
“Njësia policore nga vendi i ngjarjes ka sekuestruar një gëzhojë dhe një veturë që dyshohet se u përket të dyshuarve. Viktima pas trajtimit mjekësor dhe intervistimit është liruar. të dyshuarit janë në kërkim policor”, thuhet në raportin 24 orësh./teve1.info/