Personi që u plagos mbrëmë me armë zjarri në rrugën “Bedri Pojani” në Fushë-Kosovë, është jashtë rrezikut për jetë.
Kështu ka bërë të ditur policia në raportin ditor, derisa janë dhënë detaje se si ka ndodhur e gjithë ngjarja.
Ndërkohë, në vendin e ngjarjes në cilësi të provave materiale janë gjetur dhe konfiskuar dy gëzhoja të armës së zjarrit.
“Është plagosur me armë zjarri viktima mashkull shtetas i huaj. Viktima është dërguar në tretman mjekësorë, dhe i njëjti sipas raportit mjekësorë është jashtë rrezikut për jetë. Në vendin e ngjarjes në cilësi të provave materiale janë gjetur dhe konfiskuar dy gëzhoja të armës së zjarrit. Rasti po hetohet nga njësitet kompetente policore”, thuhet në njoftim.
Ndërkaq, rasti është cilësuar “Vrasje në tentativë” dhe “Përdorim i armës apo mjetit të rrezikshëm”./teve1.info/
