Një burrë dhe një grua janë arrestuar në Fushë- Kosovë të cilët i kishin kërkaur 500 euro një personi tjetër për kthimin e një ore të dorës, të cilën e dyshuara ia kishte marrë një personi me të cilin ishte në shoqërim.
Sipas PK-së të dyshuarit me vendim të prokurorit janë dërguar në mbajtje.
“Viktima mashkull kosovar, ka raportuar se deri sa kishte qenë me të dyshuarën femër kosovare, e njëjta ia kishte marr një orë dore me vlerë të lartë. E dyshuara në bashkëpunim me të dyshuarin mashkull kosovar për kthimin e orës kishin kërkuar nga viktima para (500 euro). Dy të dyshuarit janë arrestuar dhe pas intervistimit me vendim të prokurorit janë dërguar në mbajtje”, thuhet në raport.
