Një grua shqiptare nga Presheva ka raportuar në stacionin e Policisë së Kosovës se në Gjilan është rrëmbyer vëllai i saj i mitur.
Policia në raportin ditor thotë se ankuesja ka raportuar se rrëmbimi ka ndodhur për shkak të një mosmarrëveshjeje rreth një borxhi.
“Ankuesja femër shqiptare shtetase e Serbisë, ka raportuar në stacionin policor Gjilan se pas një mosmarrëveshje rreth një borxhi, është rrëmbyer vëllai i saj i mitur, viktima mashkull shqiptar shtetas i Serbisë; nga i dyshuari mashkull kosovar”, thuhet në njoftim të PK-së.
Ndërkohë, gjatë bastisjes te prona e të dyshuarit policia ka gjetur dhe konfiskuar 2.41 gram marihuanë.
“Rasti është duke u hetuar”, thuhet në njoftim./teve1.info/
