Një këmbësor është goditur nga vetura mbrëmë në rrugën “Eliot Engel” në Pejë, me ç’rast ka marrë lëndime trupore.
I njëjti është dërguar për tretman mjekësor në Spitalin e Pejës, shkruan teve1.info
Në raportin ditor është bërë e ditur se këmbësori është goditur nga një i mitur, i cili më pas është arrestuar nga Policia e Kosovës.
Ai me vendim të prokurorit është dërguar në mbajtje.
“Është arrestuar i dyshuari mashkull kosovar-i mitur, pasi që i njëjti duke drejtuar veturën, dyshohet se nga pakujdesia ka goditur këmbësorin mashkull kosovar, të cilit i ka shkaktuar lëndime trupore. Viktima është dërguar për tretman mjekësor në spitalin e Pejës, ndërsa i dyshuari me vendim të prokurorit është dërguar në mbajtje”, thuhet në njoftim të Policisë së Kosovës./teve1.info/
