I mbyllur për ditë të tëra, gjendet një person i vdekur në shtëpinë e tij në Gjilan

Një person është gjetur i vdekur brenda shtëpisë së tij në fshatin Shillovë të Gjilanit.

Rastin në polici e kanë paraqitur tre dëshmitarë, të cilët kanë thënë se viktimën nuk e kanë parë për tri ditë.

Ndërkohë, policia thotë se njësitë relevante me forcë kanë hapur derën e shtëpisë dhe kanë depërtuar brenda derisa trupi i pajetë i viktimës është konstatuar nga ekipi mjekësor në vendin e ngjarjes.

“Në vendin e ngjarjes përveç njësive policore ka dalë edhe prokurori si dhe ekipi i zjarrfikësve që kanë asistuar për tërheqjen e trupit pasi ishte dekompozuar. Me vendim të prokurorit trupi i pajetë është dërguar në IML për obduksion. Rasti në hetime”, thuhet në raportin ditor të policisë./teve1.info/