Shabani ka thënë se Reçaku u godit edhe pse kishte armëpushim, teksa shton se fshati ishte gjithmonë në shënjestër.
“Nuk kemi pasur informacione kurrëfare sepse ka qenë armëpushim, më e keqja se ka qenë armëpushim. Ne nuk kemi pasur kurrfarë informacione se më 15 janar do të ndodhte një masakër”, ka thënë Shabani në emisionin “Ditari” në Tëvë 1.
Shabani tutje thotë se kur nisën granatimet e para lajmëruan OSBE-në por ata nuk mundën të mbërrinin deri në vendin e krimit.
“Më 15 janar në ora 15 në 7 janë kanë granatimet e para. Ne kemi dalë në rrugë, kemi këqyr çka po bëhet dhe u granatua fshati. Ne e kemi lajmëruar OSBE-në, i kemi thënë se është granatuar fshati. OSBE kanë ardh deri në Shtime, kur kthehet rruga në Reçak na kanë thënë se nuk po i lejojnë me ardhë. Aty e kemi ditë se jemi rrethuar fortë”, ka deklaruar Shabani.
Ai ka shtuar se pasi ka hyrë këmbësoria janë rrahur mbi 30 burra.
E pavarësisht rrahjeve e plumbave që i kishte marrë arrit të shpëtonte.
“Mua me të tjerët na kanë nxjerr prej bodrumit e na kanë rreh. Na ka sha ai serbisht edhe ka qit drejt neve, unë kam ik teposhtë, janë bërë edhe 7-8 vetë pas neve edhe kur kam dashtë me shku te Vrella ka qenë autoblinda, na ka gjuajt prapë. Unë pastaj jam kthyer prapë te vendi i masakrës”, ka vazhduar Shabani.
