Gramoz Berisha, njëri prej tre të mbijetuarve në masakrën ndaj familjes Berisha të Suharekës, ka përkujtuar masakrën ku iu vranë 49 familjarë.
Berisha ka shkruar se ai me të dy mbijetuarit e tjerë të familjes, janë dëshmi e gjenocidit të kryer në Kosovë.
“Dhe këtë nuk do ta ndryshoj askush asnjëherë, as me marreveshje, as me raporte fallce, as me gjykata të improvizuara”, ka shkruar Berisha.
“Ne jemi e vërteta, e Kosovës që i ka mbijetuar gjenocidit, do t’i mbijetoj dhe seciles stuhi”, ka shkruar tutje ai.
Gramoz Berisha është mashkulli i vetëm i mbijetuar i masakrës së Suharekës. 49 anëtarë të kësaj familjeje u vranë më 26 mars në picerinë “Kalabria”, në Suharekë.
Pos Gramozit, e mbijetuar është edhe nëna e tij Vjollca si dhe kushërira Shyhrete Berisha.
