Një 41 vjeçar nga Kosova është arrestuar nga Policia e Shqipërisë në pikëkalimin kufitar në Morinë.
Sipas njoftimit i dyshuari tentoi të hynte Shqipëri, ndërkohë që ishte në kërkim ndërkombëtar për “vrasje të mbetur në tentativë”, “plagosje të rëndë” dhe “vjedhje”.
I njëjti bëhet e ditur se gjatë verifikimeve dhe intervistimit në vijë të dytë, në hyrje të vendit ka rezultuar se ishte shpallur në kërkim ndërkombëtar nga Interpol Vjena.
Interpol Tirana, në bashkëpunim me homologët në Austri, thuhet se janë duke vijuar procedurat për ekstradimin e tij.
“Tentoi të hynte në Shqipëri, ndërkohë që ishte në kërkim ndërkombëtar për “Vrasje e mbetur në tentative”, “Plagosje e rëndë” dhe “Vjedhje”, arrestohet me qëllim ekstradimin, 41-vjeçari nga Kosova. Shërbimet e Policisë Kufitare të PKK Morinë kanë intensifikuar kontrollet bazuar në analizën e riskut dhe inteligjencën policore me qëllim goditjen e paligjshmërive në kufi dhe për kapjen e personave të shpallur në kërkim dhe tentojnë të hyjnë apo të dalin nga kjo pkk. Në këtë kuadër, në bashkëpunim me shërbimet e Drejtorisë Vendore të Policisë Kukës dhe si rezultat i shkëmbimit të informacioneve me Interpol Tiranën, u ndalua dhe u vu në pranga, me qëllim ekstradimin drejt Austrisë, shtetasi i shpallur në kërkim ndërkombëtar H. L., 41 vjeç, banues në Deçan, Kosovë. Gjatë verifikimeve dhe intervistimit në vijë të dytë, në hyrje të vendit, rezultoi se 41- vjeçari ishte shpallur në kërkim ndërkombëtar nga Interpol Vjena, pasi autoritetet austriake kanë lëshuar ndaj tij urdhër arresti, i dyshuar për kryerjen e veprave penale “Vrasje e mbetur në tentativë”, “Plagosje e rëndë” dhe “Vjedhje” Interpol Tirana, në bashkëpunim me homologët në Austri, vijon procedurat për ekstradimin e 41-vjeçarin”, thuhet në njoftim.
