Në varrimin e tij, të pranishëm ishin të afërm, politikanë e zyrtarë të lartë të cilët e nderuan ish-presidentin me homazhe.
Ceremonia shtetërore e përcjelljes së ish-presidentit Bujar Nishani ka nisur në orën 10:00, shkruan teve1.info
Nishani u nda nga jeta pesë ditë më parë në një spital në Gjermani ku ishte shtruar prej javësh. Ai vuante nga një sëmundje autoimune e mëlçisë dhe pasojat që i la COVID-19 ia përkeqësuan gjendjen.
Bujar Nishani ishte 56 vjeç dhe ushtroi detyrën e Presidentit të Shqipërisë nga 24 korriku i vitit 2012 deri në 24 korrik të vitit 2017.
Më herët ai kishte mbajtur poste të rëndësishme në qeveri, si ministër i Brendshëm dhe ministër i Drejtësisë.
