I dyshuari për vrasjen e së dielës me armë zjarri të 19-vjeçarit në Vushtrri e ka pranuar fajësinë gjatë dhënies së deklaratës.
Lajmin për Tëvë1 e ka konfirmuar zëdhënësi i Prokurorisë Themelore në Mitrovicë, Valon Preteni.
Preteni ka thënë se brenda afatit ligjor, Prokuroria do të paraqes kërkesë për caktimin e masës së paraburgimit ndaj të dyshuarit për këtë rast.
“Personi i dyshuar për këtë rast e ka pranuar fajësinë për vrasjen gjatë marrjes së deklaratës. Në afatin e paraparë ligjor prokuroria do të paraqesë kërkesë për caktimin e masës së paraburgimit ndaj të dyshuarit për këtë rast”, ka thënë ai./teve1.info/
