Policia e Kosovës ka arrestuar të dyshuarin M.K. (1978) për sulmin ndaj futbollistit Belgin Jashari.
Jashari u intervistua më 25 prill, ndërsa i dyshuari u identifikua dhe u mor në pyetje më 26 prill 2025.
Me vendim të Prokurorit të Shtetit, ndaj tij është iniciuar rasti penal për veprën penale “Sulmi” dhe është ndaluar për 48 orë.
Njoftimi i Policisë së Kosovës
“Arrestohet një person i dyshuar për sulm gjatë një ndeshje të futbollit në Obiliq
Policia e Kosovës ka ndërmarrë veprime urgjente hetimore lidhur me një incident të ndodhur gjatë një ndeshjeje futbolli në Obiliq.
Sipas informacioneve të disponueshme, më 25 prill 2025, është identifikuar dhe intervistuar në prani të prindit i dëmtuari, lojtari B.J.
Ndërsa më 26 prill 2025, është identifikuar dhe intervistuar i dyshuari M.K., i lindur në vitin 1978.
Me vendim të Prokurorit të Shtetit, është iniciuar rasti penal për veprën penale “Sulmi”, dhe i dyshuari është ndaluar për 48 orë”
