Policia menjëherë pasi ka pranuar një informacion për dhunë në familje, ka dalë në vendin e ngjarjes.
Policia ka bërë të ditur se i dyshuari nuk ka mundur të intervistohet nga Policia për shkak që ishte në gjendje të dehur, raporton teve1.info
Me vendim të Prokurorit, i dyshuari është dërguar në mbajtje për 48 orë.
“Stacioni policor në Shtërpcë nga Drejtoria Rajonale e Policisë në Ferizaj, mbrëmë rreth orës 19:20 ka pranuar një informacion se në fshatin Vërbeshticë të Shtërpcës është një rast i dhunës në familje dhe kanosjes . Në lidhje me këtë, policia ka marr veprimet e duhura dhe menjëherë ka dalë në vendin e ngjarjes dhe ka arrestuar personin e dyshuar me inicialet Z.P (M/K) i moshës 45 vjeçar, i cili kishte ushtruar dhunë psikike dhe kishte kanosur ish bashkëshorten e tij me inicialet O.P ( F/K) e moshës 41 vjeçare. I dyshuari nuk ka mundur të intervistohet nga policia, për shkak se ishte në gjendje të dehur, ku ka rezultuar me 1.63 promila. Me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë , për procedura të mëtejme hetimore”, thuhet në njoftim.
