Të akuzuarit në rastin e njohur “Brezovica 1” Hysni Bajrami, Labinot Vitija dhe Dragomir Milosavljeviq dolën të hënën para trupit gjykues në Gjykatën Themelore në Ferizaj.
Ndaj inspektorëve komunal Bajramit dhe Milosavljeviq rëndon akuza se nuk kanë ndërmarrë veprimet e nevojshme për ndalimin e ndërtimit të disa vilave në kundërshtim me Planin Hapësinor të Parkut Kombëtar Sharri.
Bajrami i cili atë kohë ishte në cilësinë e inspektorit në gjykatore u sfidua me pyetjet e prokurorit të rastit Rasim Maloku.
“Për ju si inspektor keni bërë një procesverbal në të cilin keni kërkuar të ndërpriten punimet, dhe thatë që nuk i kanë ndërpre punimet, me rregull cili do të ishte veprimi i juaj i dytë pas këtij procesverbali?”, ishte pyetja e prokurorit Maloku
“Shiqo ky ka qenë një rast pak më i komplikuam s’di çka të them, kemi pritë një vendim”, tha i akuzuari Hysni Bajrami.
Ndërsa, gjyqtari Ilir Bytyqi, pyeti të akuzuarin “A ke pas ndërhyrje prej zyrtarëve apo drejtorëve?
“Ndërhyrja ka qenë, ne na kanë thënë mos shkoni ma”, tha Bajrami.
I pyetur nëse kanë pasur urdhëresë për mos ndërmarrjen e veprimeve mëtutjeshme, i akuzuari tha se ato kanë qenë vetëm verbale dhe jo me shkresa.
E ndaj shqyrtimit të kërkesës për legalizimin e aneksit të ndërtimit në dy raste brenda dhe pas afateve ligjore, gjyqtari përballi të pandehurin.
“A ka afat ligjor kjo kërkesë?, ishte pyetja e gjyqtarit.
“Po 30 ditë nëse nuk gaboj”, tha Bajrami.
Gjyqtari i kërkojë sqarim të akuzuarit se çfarë ndodhë nëse nuk ka përgjigje brenda këtij afati.
“E çka nëse nuk ka përgjigjeje brenda 30 ditëve? Përgjigjja jote përfundimtare?
Kronika e realizuar nga gazetarja Gresa Bardhecaj
