Gjykata Themelore e Prishtinës e ka liruar Zlatan Arsiq nga akuza për krime lufte në Kamenicë gjatë vitit 1999.
Aktgjykimi është shpallur të hënën nga gjykatësja Valbona Musliu-Selimaj.
I akuzuari Z.A në bazë të nenit 363 paragrafi 1, nënparagrafi 1.3 të KPPK-së është liruar nga akuza sepse nuk është provuar se i njëjti në bashkëkryerje ka kryer veprën penale, Krime lufte kundër popullatës civile nga neni 142 lidhur me nenin 22 të Ligjit Penal të RSFJ-së.
I dëmtuari për realizimin e kërkesës pasurore – juridike, udhëzohet në kontest të rregullt juridiko- civil.
Shpenzimet gjyqësore bien në barrë të mjeteve buxhetore, të kësaj gjykate.
Nga i akuzuari Z.A konform nenit 276 paragrafi 1 dhe paragrafi 2 nënparagrafi 2.1 dhe 2.2 të KPPRK-së, konfiskohen përgjithmonë sendet që i nënshtrohen automatikisht konfiskimit, pas plotfuqishmërisë së këtij aktgjykimi, urdhërohet shkatërrimi i armëve të konfiskuara – meqë janë pasuri që i nënshtrohet automatikisht konfiskimit.
“Të akuzuarit Z.A me Aktvendim të veçantë, konform nenit 366 paragrafi 2 pika 2.1, 3 dhe 4 të KPPRK-së, i ndërprehet masa e paraburgimit”, thuhet në komunikatë.
Palët e pa kënaqura kanë të drejt ankese në Gjykatën e Apelit të Kosovës, përmes Gjykatës Themelore në Prishtinë./teve1.info/
