Njërin nga projektet më të rëndësishme, Hyseni e konsideron ndërtimin e parkut të biznesit apo zonës ekonomike.
“Njërin prej projekteve që e konsideroj si më të rëndësishmin për ta realizuar brenda mandatit tonë të parë, është paku i biznesit ose zona ekonomike… qasja jonë është që parku i biznesit në Gjilan t’i shërbej gjithë regjionit, e jo vetëm komunës sonë”, tha ai në emisionin “Këndi i Debatit” në Tëvë1.
Për realizimin e këtij projekti, i pari i Gjilanit tha se tashmë kanë filluar të punojnë me hapa konkret dhe se janë në pritje të versionit final të Studimit të Fizibilitetit.
“Tash kemi filluar me studimin e flizibilitetit, e kemi draftin e parë i cili ka nevojë për disa përditësime dhe disa informacione shtesë… versionin final të studimit të fizibilitetit e presim deri në fund të muajit shkurt maksimalisht që nënkupton që atëherë mund të bëjmë aplikimin për lejet dhe licencën dhe për gjëra të tjera”, tha Hyseni.
Tutje ai gjatë emisionit foli për procedurat rreth këtij projekti.
“Para se të marrim qeverisjen në kohë të fushatës kemi identifikuar një parcelë të 10 hektarëve që kanë qenë trekëndëshi mes Bresalcit, Livoqit të Epërm edhe Gllanës. Pra, në pjesën hyrëse nga Prishtina për në Gjilan. Ndërkohë kur e kemi marrë qeverisjen kemi identifikuar disa parcela në Livoqin e Epërm që në total këto pesë parcela japin sipërfaqen prej 146 hektarëve që janë të gjitha pronë komunale, nuk duhet asnjë milimetër shpronësim dhe ka disa përparësi të tjera me vetëm një element që është kundër saj, që është disniveli i lartësisë mbidetare diku rreth 100 metër lartësi mbidetare është diferenca”, tha ai. /Teve1.info/
