I ftuar në emisionin “Respublika” në tëvë1 ai është ndalur te formimi i Asociacioni të Komunave me shumicë serbe në Kosovë.
Sipas tij, vet emërtimi “Asociacion” është gabim sepse në gjuhën serbe është “Zajednica” dhe ka një kuptim tjetër duke theksuar se një e tillë kishte prodhuar probleme në Bosne e Hercegovinë.
“Tani në këtë temën e negociatave, bisedimeve që po i quajnë dialog kemi një fjalë thotë Asociacion, në anglisht Comunity, s’është e njëjta gjë. Kurse serbisht Zajednica, shumë kush ka thënë pse po i thuani ashtu sepse nuk është shkruar, definuar kështu rastësisht… Zajednica ishte në Bosne dhe prodhoi Republika Srpskan dhe prodhoi ngërçin që po përballet Sarajeva”, shtoi ai.
Hyseni thotë se kjo është bërë me qëllim dhe me mjeshtëri nga Beogradi.
“Është me sherr. Edhe po të mos jetë, është me mjeshtëri nga Beogradi sepse në këtë mënyrë taktikisht thotë ne dialogojmë, por jo si të barabartë si shtet siç ka qenë atëherë në fillim nëse ju kujtohet”, tha ai.
Por, deputeti thekson se me qeverisjen aktuale tashmë është normalizuar përfaqësimi i Kosovës në këtë proces.
“Por mendoj që e mira që është bërë tash me qasjen e përfaqësimit është që është vendosur në pozicione normale dhe mendoj që duan vendosur të gjithë në pozicione normale jo vetëm reciproke por edhe në aspekte tjera”, deklaroi ai.
Teksa foli për dialogun, ai bëri thirrje që të mos i bëhet presion kryeministrit, Albin Kurti përmes medieve dhe analistëve që “të lëshohet pe edhe atje ku nuk bën të lëshohet pe”.
“Dhe mendoj që iluzionet e tilla që po krijohen dëmtojnë shumë procesin, për më tepër veçanërisht ajo çka ndodh edhe nëpër media edhe nga analistë të ndryshëm etj. Njëfar prirje e çuditshme për të bërë presion që të lëshohet pe edhe atje ku nuk bën të lëshohet pe. Nuk e bën askush dhe nuk e di si të thuash rezonojnë. Është fjala për konsensionet që janë bërë dhe kërkesa për të bërë njëra pas tjetrës, zakonisht që ka pasë një qëndrim serioz atë herë dalin zërat aman mos lëshoni pe pajtohuni. S’po e them ndoshta saktë, por e kam hallin fjalën te qajo prirja tendenca nuk e bëjnë të tjerët këtë”, tha ai./teve1.info/
