Përmes një postimi në Facebook, Hyseni ka thënë se ai sot ka anuluar të gjithë procesin e thirrjes publike për subvencionimin e organizatave dhe individëve nga fusha e Kulturës, Rinisë dhe Sportit.
“Nga vlerësimi i bërë procesit ne konstatojmë për parregullsi, të mjaftueshme për ta kontestuar dhe për të vendosur për anulim të gjithë procesit të thirrjes publike për subvencionimin e organizatave dhe individëve nga fusha e Kulturës, Rinisë dhe Sportit”, ka shkruar ai.
Ai është shprehur se do ta mbajë premtimin e tij për komisione të pavarura dhe të pandikuara.
“Ne jemi zotuar për komisione të pavarura nga politika, profesionale dhe të pandikuara, gjithmonë duke siguruar vlerësim të drejtë dhe mundësi të barabarta për të gjithë. Përveç zotimit ky është edhe obligim i yni, ne nuk do të kemi tolerancë ndaj askujt sepse kemi marrëveshje me qytetarin për transparencë, llogaridhënie dhe korrektësi”, ka shkruar Hyseni në Facebook.
Tutje ai tha se do të themelojmë komision të ri dhe do të sigurojmë monitorim të procesit.
