Hyseni tha se një prej shkeljeve më të mëdha që janë bërë sa i përket stadiumit të Gjilanit, janë të pozicioni i punëve të betonit, ku sipas tij, 100 mijë euro kanë qenë të kontraktuara, ndërsa janë paguar rreth 900 mijë euro.
“Sa i përket stadiumit të qytetit, ne e kemi bërë një lloj auditimi të brendshëm me Ministrinë e Kulturës dhe del që çështja është shumë më komplekse sesa që është menduar…Ka shumë pozicione brenda kontratës fillestare të nënshkruar, që pozicionet e ekzekutuara në terren e kalojnë shumëfish. Një prej shkeljeve më të mëdha janë bërë tek pozicioni i punëve të betonit, ku të kontraktuara kanë qenë 100 mijë euro ndërkaq të paguara rreth 900 mijë. Kjo është shkelja më e rëndë”, ka deklaruar ai në emisionin “Këndi i Debatit” në Tëvë1.
Sipas tij, nuk ka projekt arkitektonik final për stadiumin e Gjilanit dhe këtë nuk e ka ditur askush.
“Kemi pasur takime të rregullta që kemi zhvilluar me të gjitha palët e mundshme. Përfundimi ka qenë që shkëputja e kontratës është zgjidhja e vetme. Kanë qenë rreth 800 mijë të mbetura që është dashur të paguhen brenda vitit 2022, ndërkaq projekti arkitektonik nuk ka qenë askund. Nuk ka projekt arkitektonik final për stadiumin e qytetit në Gjilan dhe këtë nuk e kemi ditur ne dhe askush…Projektin për stadiumin e kemi kaluar në kompetencë të Ministrisë së Kulturës… Unë po shpresojmë dhe sipas diskutimeve që kemi pasur është fillimi i pranverës ku do të fillojnë punimet në stadium”, theksoi Hyseni. /Teve1.info/