Sipas tij, mërgata është një potencial shumë i madh i zhvillimit për këtë komunë.
“E veçanta është se regjioni si i tillë, Gjilani ka shumë diasporë, potencial shumë i madh i zhvillimit, 30 deri 35% flitet që janë jashtë Kosovës…”, u shpreh Hyseni duke thënë se një pjesë e madhe e tyre janë biznesmenë të suksesshëm.
Duke folur vitin e parë të qeverisjes së Gjilanit, Hyseni në emisionin “Këndi i Debatit” në Tëvë1, tha në këtë periudhë kanë arritur që të shpenzojnë 97% të buxhetit për investime kapitale.
“Në vitin tonë të parë të qeverisjes secili projekt që ka filluar, është paguar deri në centin e fundit dhe është e çuditshme se si komuna e Gjilanit ka arritur që në këtë periudhë të vështirë të shpenzimit të buxhetit të shpenzojë rreth 97% të buxhetit për investime kapitale”, ka deklaruar ai.
Sipas tij, një qeverisje e tillë që garanton transparencë tërheq edhe investitor.
“Një qeverisje e tillë që garanton transparencë të plotë por edhe ligjshmëri do të ishte edhe njëra prej mënyrave se si mund të tërheqim investitor”, tha tutje Hyseni. /Teve1.info/